ਇੱਕ ਪੰਖੇਰੂ
ਉਹਦੇ ਖੰਭਾਂ ਹੇਠ
ਨਿੱਘੇ ਸੁਪਨੇ
ਧੌਣ ਦੁਆਲੇ
ਮੁੱਹਬਤੀ ਗਾਨੀ
ਚੁੰਝ ਵਿੱਚ
ਗੀਤਾਂ ਦਾ ਬਾਜਰਾ
ਪੈਰਾਂ 'ਚ
ਇਲਾਹੀ ਘੂੰਗਰੂ
ਮੇਰੇ ਸ਼ਹਿਰ ਦਿਓ ਲੋਕੋ
ਜਰਾ ਨੇੜੇ ਹੋ ਕੇ ਸੁਣੋ
ਸੂਰਜ ਨਾਲ ਇਸ਼ਕ ਕਰ ਬੈਠਾ
ਮੈਂ ਤਾਂ ਆਖਦੀ ਆਂ
ਖੋਲ ਦਿਓ ਪਿੰਜਰਾ
ਹਵਾ ਨਾਲ ਹਵਾ ਹੋ ਲੈਣ ਦਿਓ
ਭਰ ਲੈਣ ਦਿਓ ਇੱਕ ਪਰਵਾਜ਼
ਅਸਮਾਨ ਦੇ ਸਿਖਰ ਤੋਂ
ਧਰਤ ਦੇ ਗਰਭ ਤੱਕ
ਆਖਿਰ ਕੀ ਮਾਨ ਲਵੇਗਾ
ਆਵਾਰਗੀ ਤੋਂ ਸਿਵਾ
ਮੇਰੇ ਸ਼ਹਿਰ ਦਿਓ ਲੋਕੋ
ਜਰਾ ਨੇੜੇ ਹੋ ਕੇ ਸੁਣੋ
ਵਿਸ਼ਵਾਸ ਕਰੋ
ਉਹ ਪਰਤੇਗਾ.....
ਜ਼ਰੂਰ ਪਰਤੇਗਾ
ਸੂਰਜ ਦਾ ਨਿਘ ਮਾਨ ਕੇ
ਰਾਖ ਹੋਣ ਤੋਂ ਪਹਿਲਾਂ ਪਹਿਲਾਂ
ਮੁੜ ਆਵੇਗਾ
ਆਉਣਾ ਹੀ ਪਵੇਗਾ
ਪਿੰਜਰੇ ਦੀ ਉਡੀਕ ਲਈ
ਤੁਹਾਡੇ ਯਕੀਨ ਲਈ
ਸੂਰਜ ਦੇ ਗਲ ਤਵੀਤ ਪਾ
ਆ ਜਾਵੇਗਾ
ਆ ਜਾਵੇਗਾ
No comments:
Post a Comment