ਬਾਹਰ ਦੇ ਰੌਲੇ'ਚ ਅੰਦਰ ਦੀ ਆਵਾਜ਼
ਸੁਣਨੌਂ ਹਟ ਗਈ
ਸ਼ਾਇਦ ਮੈਂ ਹੀ ਅਵੇਸਲੀ
ਹੋ ਗਈ ਸਾਂ
ਤੜਕੇ
ਅੱਖ ਖੁੱਲੀ
ਤਾਂ
ਜਾਗ ਗਈ ਮੈਂ
ਸੱਜੇ ਕੰਨ 'ਚੋਂ
ਸ਼ਾਂ...ਸਾਂ...
ਟੀਂ...ਟੀਂ...
ਬੀਂਨਡੇ ਵਰਗੀਆਂ ਆਵਾਜ਼ਾਂ
ਸਾਰਾ ਧਿਆਨ ਖਿਚਿਆ ਗਿਆ
ਕੀ੍ਲ ਦਿੱਤਾ ਮੈਨੂੰ
ਗੋਲ ਧਰਤੀ
ਅੱਗ ਦਾ ਗੋਲਾ
ਨਿੱਕੇ ਨਿੱਕੇ ਗੀਟੇ
ਚਾਂਦੀ ਦਾ ਬਟਨ
ਇਕ ਧੁਨਿ
ਮਨ ਕੁੰਤੋ ਮੌਲਾ.....
ਮਨ ਕੁੰਤੋ ਮੌਲਾ.....
ਮਨ ਕੁੰਤੋ ਮੌਲਾ.....
ਮੰਜੇ ਤੇ ਮੇਰਾ ਮੁਰਦਾ ਸਰੀਰ
ਅਛੌਪਲੇ ਜਹੇ ਦਾਖ਼ਲ ਹੋ ਗਈ
ਉਸ'ਚ
ਬਾਹਰ ਦੇ ਰੌਲੇ'ਚਫੇਰ
ਗਵਾਚ ਗਈ ਅੰਦਰ ਦੀ ਆਵਾਜ਼.......
No comments:
Post a Comment